Юлдузли тунлар – Пиримқул Қодиров

Description

Yulduzli tunlar – Pirimqul Qodirov – Mahoratli yozuvchi Pirimqul Qodirovning ushbu asari o‘zbek adabiyotining eng sara tarixiy romanlari sirasiga kiradi. Unda Movarounnahrdek ulkan saltanatning parchalanib ketishi, Temuriylar sulolasining inqirozi, hokimiyatga erishish ilinjida taxt talashib, bir-birlariga qilich ko‘targan og‘a-ini, tog‘a-jiyanlarning fojiaviy qismati aks ettirilgan.

Роман воқеалари орқали ўқувчи тарихда Темурийлар ўртасидаги низолар, фитна, фисқ-у фасод туфайли юзага келган қонли урушлар, аёвсиз хунрезликлар оқибатида беҳад қонхўр беклар зулмидан силласи буткул қуриган халқнинг ғоят ночор аҳволи ва уюшқоқликдан бехабар Темурийларни Шайбонийхон қанчалар осон маҳв этгани билан танишади.

Асарнинг бош қаҳрамони мирзо Бобур одамлардаги бемеҳрлик, бир-бирини кўролмаслик, худбинлик, хиёнат сингари жирканч иллатлар билан ғоят эрта, ўн икки ёшида тахтга ўтирганида рўбарў бўлди. Тақдирнинг аянчли зарбаларидан зада бўлган шоҳнинг куйган юраги – шоир қалби қаландарликни ихтиёр этгани ажаб эмас. Асар мутолааси давомида бутун умр Ватан ишқида ёниб, соғинч билан ўртаниб, «Жонимдин ўзга ёри вафодор топмадим…» дея изтироб чеккан бобокалонимиз дарди китобхон қалбини ларзага солади.